சின்னதாய் சில ஆசைகள்

சின்னதாய் சில ஆசைகள் 

வெறிக்க ஒரு விட்டம் 

கலர் கலராய் சில கனவுகள் 

இருட்டாய் வெளிச்சமாய் நட்சத்திரங்களுடன் நிலாவுடன்  

தூரத்தில் தெரியும் வானம் 

இரைச்சல் இல்லாத இசை 

நெரிசல் இல்லாத சாலை 

சுட்டெரிக்காத சூரியன்  

உறைய வைக்காத குளிர்

அளவான ஆசை 

அளவில்லாத அன்பு 

உயரிய சிந்தனைகள்

உண்மை நாடும் நெஞ்சம் 

ஆணவம் இல்லாத நோக்கு

அகந்தை இலாத நாக்கு 
எதிர்பார்ப்பில்லாத உறவுகள்

யாரையும் சார்ந்து இல்லாத முதுமை
வலி இல்லாத மரணம்