மௌனங்களின் அர்த்தங்கள்

மௌனங்களின் அர்த்தங்கள் 

என் மௌனங்கள் 

உன்னை உதாசீனப்படுத்துவதைக்காக  அல்ல 

என் வார்த்தைகள் 

உன்னை காயப்படுத்தி விட கூடாதே என்பதற்காக 

நான் எழுப்பிய அரண்.

என் மௌனத்திற்கு பின்னால் 

ஆர்ப்பரிக்கும் எண்ணங்களின் 

வார்த்தை பிழம்புகளின் ஒரு துளி கூட 

உன்மேல் விழுந்துவிட கூடாதென்பதற்காக 

நான் அணிந்து கொள்ளும் கவசம் இந்த மௌனம்.

சொல்லப்பட்ட வார்த்தைகள் வலுவிழந்து விடுகின்றன 

வார்த்தைகளுக்கு ஒரு பொருள் 

மௌனத்திற்கோ பல பொருள் !!